Sosial yardımların məbləği artdı 

2024-cü ilin fevral ayında orta hesabla bir ailəyə ödənilən ünvanlı dövlət sosial yardımının (ÜDSY) məbləği 18,6% artıb. 

Bu barədə Ölkə.az-a Dövlət Sosial Müdafiə Fondunun mətbuat xidmətindən məlumat verilib. 

Məlumatda bildirilir ki, ötən ilin fevral ayında orta hesabla bir ailəyə ödənilən ÜDSY-nin məbləği 410,0 manat idisə, cari ilin müvafiq dövründə bu məbləğ artaraq 486,3 manat təşkil edib.