Neft bahalaşır: \"WTI\" oktyabrdan bəri ən yüksək həddə

Dünya birjalarında neft bahalaşır.

"Ölkə.Az" xəbər verir ki, "Brent" neftinin iyun fyuçerslərinin qiyməti 0,41 dollar artaraq 1 barel üçün 87,83 dollara çatıb.

ABŞ-ın Qərbi Texas (WTI) xam neftinin may fyuçersləri isə əvvəlki sessiyada oktyabrın 27-dən bəri ən yüksək bağlanışa çatdıqdan sonra 0,41 dollar bahalaşaraq 1 barel üçün 84,12 dollara yüksəlib.

Bahalaşmaya səbəb dünyanın ən böyük neft istehlakçısı olan Çin və ABŞ-da tələbin yaxşılaşa biləcəyinə dair əlamətlər və Yaxın Şərqdə regiondan gələn tədarükə təsir edə biləcək münaqişənin genişlənməsinə dair artan narahatlıqlar olub.

Könül
Ölkə.Az