Bu şəxslərin pensiyası ilə bağlı TƏKLİF
"Sosial sığorta haqqında” Qanuna təklif edilən dəyişikliyə əsasən Dövlət Təhlükəsizliyi Xidmətinin xarici dövlətlərdə və beynəlxalq təşkilatlarda çalışan əməkdaşlarının bütün növ ödənişlərinin (dövlət məvacibi istisna olmaqla) məcburi dövlət sosial sığorta haqqı və gəlir vergisindən azad edilməsini nəzərdə tutur.
"Ölkə.Az" xəbər verir ki, iqtisadçı deputat Vüqar Bayramov həmin vəsaitin dövlət tərəfindən vətəndaşın pensiya hesabına kompensasiya edilməsini təklif edib:
"Belə ki, sosial haqlar həm də pensiya kapitalını formalaşdırır. Sosial haqları ödəməkdan azad edilən vətəndaşların pensiya kapitalında azad olunan sosial məbləği kompensasiya etmiriksə, avtomatik olaraq onlar pensiyaya çıxarkən daha aşağı pensiya alacaqlar. Yəni, indi sosial haqq ödəməkdan azad olunmaq həmin vətəndaşlarımızın sosial təminatı baxımdan vacibdir və müsbət haldır. Bununla yanaşı, bu, pensiya kapitalında da müqayisəli şəkildə az yığım deməkdir. Nəzərə alsaq ki, hərbi sahədə çalışanların heç də hamısı 25 illik ştaj müddətinə malik olmaya bilər və bu zaman onların pensiya yığımları önəmli olur".
"Qeyd edək ki, Qarabağ və Şərqi Zəngəzurda cənab Prezidentin göstərişi ilə azad olunan sosial haqlar dövlət tərəfindən orada çalışan işçilərin pensiya hesabına ödənilir. Bu da onların pensiya yaşı tamam olan zaman daha yüksək pensiya almasına imkan yaradacaq. Bu baxımdan, oxşar modelin digər sektor üzrə azadolmalarda da tətbiqi məqsədəuyğundur", - deyə millət vəkili əlavə edib.
Könül
Ölkə.Az
