Sentyabrda həmvətənlərimizin Türkiyədən aldığı mənzillərin sayı açıqlandı

Azərbaycanlılar Türkiyədən aldığı mənzillərin sayını bir neçə ay bundan əvvəllə müqayisədə azaldıb.

Azərbaycanlı vətəndaşlar təkcə sentyabr ayında qonşu ölkədən 56 ədəd mənzil alıb. Cari ilin iyul ayında isə bu rəqəm daha çox - 68 ədəd idi.

Qurumun məlumatına görə, cari ilin yanvar-sentyabr aylarında isə türklər azərbaycanlılara cəmi 568 ədəd mənzil satıb.

Ümumilikdə türklər xaricilərə, təkcə sentyabr ayında 92 min 483 ədəd mənzil satıb ki, bu da ötən ilin anoloji dövrü ilə müqayisədə 20,1% azdır.

Qeyd edək ki, sentyabrda Türkiyə mənzil bazarına ən çox İraq (359), Səudiyyə Ərəbistanı (204), Küveyt (160), Rusiya Federasiyası (115) maraq göstərib.

Onu da əlavə edək ki, bir müddət əvvəl Türkiyənin iqtisadiyyat naziri Nihat Zeybekçi bildirirdi ki, Türkiyədə əmlaka sahib olan xarici vətəndaşlar ölkənin vətəndaşlığını ala bilərlər.

“Bizim bayrağımız olan əmlak hüququ şəhadətnaməsinə malik olan hər kəs bizim vətəndaşımızdır.

Biz bu məsələ üzrə ciddi iş aparırıq. Hələlik bütün detallar aydınlaşdırılmayıb, amma biz burada əmlak alan hər kəsə vətəndaşlıq təqdim edəcəyik”, - deyə, nazir qeyd etmişdi.oxu.az

Ölkə.Az