Aprel ayında qlobal neft hasilatı kəskin azalıb

Aprel ayında qlobal neft hasilatı kəskin azalıb.

Məlumata görə, ötən ayın sonunda qlobal neft hasilatı gündəlik 200 min barel azalaraq gündəlik 102 milyon barel olub.

Bu barədə Beynəlxalq Enerji Agentliyinin (BEA) may hesabatında deyilir.

Eyni zamanda, BEA analitikləri hələ də bu il qlobal neft tədarükünün sutkada 580 min barel artaraq rekord həddə - gündəlik 102,7 milyon barelə çatacağını proqnozlaşdırırlar. Ekspertlərin fikrincə, buna OPEC+ üzvü olmayan ölkələrin səyləri ilə nail olunacaq. Onların hesablamalarına görə, əsas artım ABŞ, Qayana, Kanada və Braziliya tərəfindən təmin ediləcək.
Yeri gəlmişkən, BEA 2024-cü ildə qlobal neft tələbatının artımı ilə bağlı proqnozunu dəyişərək, onu sutkada 140 barel azaldaraq 1,1 milyon barelə endirib. Analitiklər birinci rübün zəif performansına görə təxminlərinə yenidən baxıblar.