"Apple"ı geridə qoyaraq dünyanın 2-ci ən dəyərli şirkəti oldu

ABŞ mərkəzli NVIDIA şirkəti bazar dəyərinə görə "Apple"ı geridə qoyaraq dünyanın ikinci ən böyük şirkəti oldu.

"Ölkə.Az"ın məlumatına görə, çip istehsalı ilə məşğul olan şirkətin bazar dəyəri 3,01 trilyon dollara çatıb.

Qeyd edək ki, NVIDIA xüsusilə süni intellekt yarışında önə çıxan H100 çipi ilə uğur qazanıb.

Dünyanın ikinci ən dəyərli şirkəti olan NVIDIA-nın dəyəri 2023-cü ilin mayında 1 trilyon dolları, 2024-cü ilin fevralında 2 trilyon dolları keçib . Hazırda 3,01 trilyon dollarlıq bazar dəyəri ilə NVIDIA "Amazon", "Alphabet" və "Apple" kimi nəhəng şirkətləri geridə qoyub və yalnız "Microsoft"dan geri qalıb.

Könül
Ölkə.Az