Hesablama Palatası Neft Fonduna təklif verdi
Hesablama Palatası Dövlət Neft Fonduna (ARDNF) yeni likvid portfel yaratmağı təklif edib.
"Ölkə.Az" xəbər verir ki, bu barədə Palatanın Fondun 2023-cü il büdcəsinin icrasına verdiyi Rəydə bildirilir.
"Valyuta hərraclarında tələbin artan qeyri-müəyyənliyi fonunda Fondun öhdəliklərin (dövlət büdcəsinə transfertin) vaxtında yerinə yetirilməsi, əlavə xərc (alqısatqı xərcləri, potensial itkilərin reallaşdırılması) və risklərin (bençmarkların izlənilməsinə maneələr) yaranmaması üçün likvidliyin idarə edilməsi məqsədilə alt portfelin tərkibində potensial tələb miqdarında yeni likvid portfelin yaratması məqsədəuyğundur", - deyə sənəddə qeyd olunub.
