AMB-nin sədr müavini manatın məzənnəsindən danışdı
Ölkə.az xəbər verir ki, bunu Milli Məclisdə keçirilən "Dövlət suverenliyinin iqtisadi əsasları və iqtisadi müstəqillik" mövzusunda elmi-praktik konfransda çıxışı zamanı Mərkəzi Bankın sədrinin müavini Əli Əhmədov deyib.
O bildirib ki, xarici mühitdə artan qeyri-müəyyənliklərə baxmayaraq, valyuta bazarı tarazı olub ki, bu da manatın məzənəsinin sabitliyinə şərait yaradıb:
"Tədiyyə balansının profisitli olması və valyuta ehtiyatlarının artması makroiqtisadi dayanıqlığın daha da möhkəmləndirilməsində mühüm rol oynayıb. Həyata keçilən uğurlu makroiqtisadi siyasət nəticəsində ölkədə iqtisadi aktiv dəstəklənmiş, inflyasiya gözləntiləri idarə olunan səviyyədə saxlanmış, ölkəmizin potensial xarici maliyyə və iqtisadi şoklara qarşı dayanıqlığı əhəmiyyətdə artıb. Son 20 ildə Azərbaycanın strateji valyuta ehtiyatları 38 dəfədən çox artıb və strateji valyuta ehtiyatlarının mövcud səviyyəsi ümumi daxili məhsulun 100%-ni üstələməklə 37 aylıq mal və xidmət idxalını maliyyələşdirməyə kifayət edir. Bu, yalnız sabitliyin göstəricisi deyil, həm də gələcək nəsillərin iqtisadi təhlükəsizliyinə qoyulan etibarlı təminatdır. Mərkəzi Bankın maliyyə sabitliyi siyasətinin əsas prioritetlərini isə maliyyə bank sisteminin etimadın qorunması və maliyyə sektorunda idarəetmə potensialının və şoklara qarşı dayanıqlığın artılması təşkil edib".
Mürtəza
