Azərbaycanlılar pullu xidmətlərə nə qədər xərc çəkir? - Rəqəmlər
Azərbaycanda 2025-ci ilin yanvar-oktyabr aylarında əhaliyə göstərilən pullu xidmətlərin dəyəri 11 milyard 867,1 milyon manat təşkil edib ki, bu da 2024-cü ilin müvafiq dövrü ilə müqayisədə 9,2 faiz çoxdur.
Ölkə.Az rəsmi rəqəmlərə əsasən xəbər verir ki, pullu xidmətlərin strukturunda dövlət sektorunun payı 2 milyard 594,9 milyon manat (artım 8,6 faiz), qeyri-dövlət sektorunun payı isə 9 milyard 272,2 milyon manat (artım 9,4 faiz) təşkil edib.
Hesabat dövründə hüquqi şəxslər tərəfindən əhaliyə 8 milyard 938,7 milyon manatlıq (xidmətlərin ümumi dəyərinin 75,3 faizi), fiziki şəxslər tərəfindən 2 milyard 928,4 milyon manatlıq xidmət göstərilib.
2025-ci ilin yanvar-oktyabr aylarında hər bir ölkə sakini orta hesabla 1158,7 manatlıq müxtəlif ödənişli xidmətlərdən istifadə edib ki, bu da 2024-cü ilin müvafiq dövrü ilə müqayisədə nominal ifadədə 159,5 manat çoxdur.
