Elektrikli nəqliyyat vasitələrini niyə mənzillərdəki cərəyanla şarja qoymaq olmaz?

Ölkə.Az xatırladır ki, hadisə barədə danışan bina sakinləri səbəb kimi elektrikli avtomobillərin mənzillərdən kabel uzadılaraq şarj edilməsini göstərib.

"Hərə evindən bir "şunur" sallandırıb maşınını elektrik cərəyanına qoşur. Bilirsiniz ki, bu cərəyanlar onun üçün nəzərdə tutulmayıb. Bütün elektrik xətləri də gücə düşür. Bu da nəticəsidir", - deyə sakinlərdən biri qeyd edib.

Son dövrlər paytaxtda elektrikli avtomobillərin sayının artdığını nəzərə alsaq, bu cür hadisələrin yenə baş verəcəyi istisna edilmir.

Bəs görəsən, elektrikli nəqliyyat vasitələrini mənzildəki elektriklə enerjiyə qoşmaq olarmı?

İnternetdə axtardığımız araşdırmalar göstərir ki, sistem düzgün qurulmasa yaşayış binasında elektrikli avtomobili şarj etmək yanğın riski yarada bilər. Amma bu o demək deyil ki, ümumiyyətlə olmaz. Sadəcə qaydalarla və düzgün avadanlıqla etmək lazımdır.

Risk ona görə var ki, elektrikli avtomobillər çox yüksək güclə şarj olur. Adi ev prizləri və köhnə elektrik xətləri isə buna hesablanmayıb.
Nəticə də naqillər qızır, izolyasiya ərimə riski artır, qısaqapanma və yanğın baş verə bilər

Digər tərəfdən evlərdə “lityum-ion” batareyalar olur. Nadir hallarda zədələnmiş batareya, keyfiyyətsiz şarj və həddindən artıq qızma “thermal runaway” deyilən proses (öz-özünə qızıb yanma) başlaya bilər . Bu tip yanğınlar tez yayılır və söndürülməsi çətin olur.

Təhlükə yaradan üçüncü səbəb isə yaşayış binalarında maşınların adətən yeraltı qarajda və ya qapalı park sahəsində olması ilə bağlıdır. Bu isə tüstünün tez yığılması və yanğının digər avtomobillərə və binaya keçməsi riskini artırır.

“Adi uzadıcı ilə şarj” da ən böyük səhvlərdən biridir. Belə ki, uzadıcı kabel (perenoska) və qeyri-sertifikatlı şarj cihazı real yanğın səbəblərinin ən çox rast gəlinənidir.

Amma ümumilikdə götürdükdə yaşayış binlarında elektrikli avtomobilləri şarj etmək olar. Sadəcə bunun üçün xüsusi Ev şarj stansiyası (wallbox), ayrı elektrik xətti və avtomat qoruyucu, yanğın siqnalizasiya sistemi olmalı, torpaqlama (grounding) düzgün olmalıdır, bina idarəsi və elektrik mühəndisi tərəfindən icazə alınmalıdır.

Yekun olaraq elektrikli nəqliyyat vasitəsini özbaşına, adi prizlə şarj risklidir. Yalnız düzgün qurulmuş sistemlə təhlükəsiz ola bilər.

Billurə