Lukaşenko onlarla məhbusu əfv etdi: 28-i ekstremizmdə ittiham olunub
Belarus Prezidenti Aleksandr Lukaşenko 32 məhbusun əfv edilməsi barədə fərman imzalayıb.
Ölkə.az xəbər verir ki, bu barədə dövlət başçısının Mətbuat xidməti məlumat yayıb.
Bildirilib ki, əfv fərmanı Belarusun Müstəqillik Günü ərəfəsində imzalanıb və 20 qadın və 12 kişiyə şamil olunub. Onlardan 28-i “ekstremist” cinayətlərdə təqsirli bilinib azadlıqdan məhrum ediliblər.
“Qərar məhkumlara və onların ailələrinə qarşı humanizm prinsipi əsasında verilib. Onların hamısı əfv üçün ərizə yazıb, günahlarını etiraf edib və peşman olduqlarını bildiriblər”, məlumatda bildirilib.
Qeyd edək ki, Prezident A.Lukaşenko 2026-cı il martın 19-da - ABŞ sanksiyalarının yumşaldılması müqabilində “ekstremist” cinayətlərdə ittiham olunan 250 məhbusu əfv edib.
Onların 235-i ölkədə qalsa da, digərləri Litvaya göndərilib.
