Azərbaycan daha bir gəmi istismara verib
“Azərbaycan Xəzər Dəniz Gəmiçiliyi" QSC-nin daha bir bərəsi – “Merkuri-1” gəmisi də Transxəzər istiqamətində yük avtomobillərinin daşınmasına cəlb olunub. Gəmi dokda baxışdan və müvafiq təmir işlərindən sonra istismara buraxılıb.
Bu barədə Qurumdan Ölkə.Az-a bildirilib.
Məlumata görə, istismarda olan bərələrin və “ro-ro” tipli gəmilərin ümumi sayı 14-ə çatdırılıb. Hazırda Bakı-Aktau-Bakı və Bakı-Türkmənbaşı-Bakı xətlərinin hər birində 6 bərə və 1 “ro-ro” gəmisi dəmiryol vaqonları və təkərli texnika daşıyır.
“Gəmi-bərələrin səfərləri barədə, o cümlədən limandan çıxış və təyinat limanına gəliş vaxtları haqqında məlumatlar mütəmadi olaraq onlayn rejimdə Gəmiçiliyin veb-saytında yerləşdirilir”, - deyə QSC-dən qeyd edilib.
