Bank kartı olanların nəzərinə: Bunları etməyin
Ölkə.az xəbər verir ki, bunu Milli Məclisin İnsan hüquqları komitəsinin sədri Zahid Oruc komitənin iyunun 24-də keçirilən iclasında çıxışı zamanı deyib.
O bildirib ki, ölkədaxili xidmət şəbəkəsində 7 min 184 belə əməliyyat nəticəsində 3 milyon 743 min manat, ölkəxarici xidmət şəbəkəsində isə 21 min 582 əməliyyat nəticəsində 1 milyon 297 min manat zərər yaranıb.
“Mərkəzi Bankın təhlilləri göstərir ki, cinayət aktları istifadəçilərin kart, hesab, təsdiqləmə kodu və digər həssas məlumatlarını kiberdələduzlara təqdim etməsi nəticəsində baş verib. Artan rəqəmlər qarşısı alınmış bütün fişinq cəhdlərini əks etdirmir, yalnız fırıldaqçılıq əməliyyatı ilə nəticələnmiş hallara aiddir”, - Z.Oruc vurğulayıb.
Komitə sədri əlavə edib ki, ona görə də fərdi məlumatların qorunması ad, ünvan və bank rekvizitləri ilə məhdudlaşa bilməz:
“İnsanın üzü, səsi, biometrik göstəriciləri, rəqəmsal imzası və virtual şəxsiyyəti də hüquqi mühafizə obyekti olmalıdır. Kibertəhlükəsizliyin ali məqsədi serverlərlə bərabər, insanı qorumaqdır”.
O deyib ki, müasir qarşıdurmalarda hərbi və mülki hədəf arasındakı sərhəd zəifləyir: “Banka, xəstəxanaya, su təchizatına və mülki rabitəyə hücum birbaşa insanların həyatına təsir göstərir.
Milli Kibertəhlükəsizlik İndeksinin 2026-cı ilin iyun göstəricilərinə görə, Azərbaycan 83,33 balla 31-ci, Gürcüstan 64,17 balla 64-cü, Ermənistan isə 38,33 balla 97-ci yerdədir. Lakin indekslər hüquqi və institusional hazırlığı ölçür. Onlar bütün sistemlərdəki texniki boşluqları və faktiki hücumların sayını göstərmir.
Ölkənin iqtisadi, enerji, nəqliyyat və geosiyasi əhəmiyyəti artdıqca onun daha mürəkkəb hücumların hədəfinə çevrilməsi ehtimalı da yüksəlir. Ona görə də liderlik mövqeyi qanunlarla, real əməliyyat qabiliyyəti, yerli texnologiya, peşəkar kadr və davamlı təlimlə qorunmalıdır”.
Mürtəza
