ƏDV ilə bağlı YENİ QAYDA
Qeyri-dövlət sektoruna aid edilən vergi ödəyiciləri ƏDV-nin depozit hesabından dövlət sosial müdafiə fonduna vəsait köçürüləcək.
Ölkə.az xəbər verir ki, bu məsələ Vergi Məcəlləsində dəyişiklikdə əksini tapıb.
Bu məsələ Milli Məclisin 7 iyulda keçiriləcək növbədənkənar sessiyasında müzakirəyə çıxarılaraq üçüncü oxunuşda qəbul ediləcək.
Bununla bağlı Vergi Məcəlləsinin 175.8-ci maddəsinə aşağıdakı məzmunda üçüncü cümlə əlavə edilir:
“2027-ci il yanvarın 1-dən 4 il müddətinə neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyiciləri tərəfindən müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş qaydada və şərtlərlə ƏDV-nin depozit hesabından dövlət sosial müdafiə fonduna vəsait köçürülə bilər”.
Qanuna dəyişiklik 2027-ci il yanvarın 1-dən qüvvəyə minəcək.
Mürtəza
