Gürcüstan – Azərbaycan şirkəti televizor istehsal edəcək
Gürcüstan – Azərbaycan birgə şirkəti olan “AG Telekom” televizor istehsalına başlayır.
Ölkə.Az “Qruziya Online”a istinadən xəbər verir ki, istehsal olunan məhsullar 2016-cı ilin aprel ayında təqdim olunacaq.
Şirkətin direktoru Mixail Qlontinin sözlərinə görə, televizorun qiyməti 180-280 ABŞ dolları arası olacaq: “Gürcü televizorları idxal edilmiş xarici brendlərdən daha ucuz olacaq. 180 dollara 32 dyum (81 sm), 280 dollara isə 40 dyumluq (101 sm) televizor satılacaq. Nəzərdə tutulmuş keyfiyyətə görə, qiymət çox ucuzdur”.
Onun sözlərinə görə, məhsulların gələcəkdə Avropa bazarına çıxarılması planlaşdırılır.
Gürcüstan – Azərbaycan birgə şirkəti olan “AG Telekom 2013-cü ildə Rustavi şəhərində fəaliyyətə başlayıb. Zavod hazırda, rəqəmsal yayıma keçid üçün vacib olan set top box, eləcə də Led-lampalar, myvideo üçün TV Box və digər texnikalar istehsal edir.
