Azərbaycanda yeni yolötürücüsü tikilir
Bakı-Quba-Rusiya Federasiyası ilə dövlət sərhədi avtomobil yolunun 9-cu km-də yerləşən yolqovşağı kompleksinə daxil olan növbəti yolötürücüsünün tikintisinə başlanılıb.
Bu, Nəqliyyat Nazirliyi ”Azəryolservis” ASC-dən Ölkə.Az-a daxil olan məlumatda bildirilib.
Dəmir yolu xətti üzərində nəzərdə tutulan yolötürücüsü Biləcəri qəsəbəsindən Bakı-Quba magistralına keçid məqsədilə inşa olunur. Yolötürücüsünün uzunluğu 31 m, eni isə 14,5 m təşkil edəcək.
Hazırda 1-ci dayağın tikintisi ilə əlaqədar sıvay-qazma işləri həyata keçirilir./apa/
Ölkə.Az