"Chrysler" 184 min avtomobilini geri çağırdı

Ölkə.az şirkətin rəsmi saytına istinadən xəbər verir ki, ABŞ avtomobil istehsalçısı "Chrysler" 184 min 215 ədəd idman tipli, yolsuzluq avtomobilini elektrik sistemlərindəki nasazlıq səbəbindən geri çağırıb. 

"Chrysler" şirkəti tərəfindən verilən açıqlamada, geri çağırılan avtomobillərin elektrik sistemində aşkar edilən nasazlığın, hava yastıqları və təhlükəsizlik kəmərini sıradan çıxaracağı ifadə edilib. Şirkət rəsmisi geri çağırılmaya səbəb olan nasazlığın indiyə qədərki dövr ərzində hər hansı bir qəzayavə ya ciddi bir xəsarətə yol açmadığını vurğulayıb. 

"Chrysler" şirkətindən verilən məlumatda həmçinin bildirilir ki, böyük nisbətdə ABŞ, Kanada və Meksikadakı  avtomobilləri əhatə edən geri çağırılma prosesi, 2014-cü ilin modeli olan "Dodge Durango" və "Jeep Grand Cherokee" markalı avtomobilləri əhatə edir. 

Xatırladaq ki, nasazlıq səbəbindən geri çağırılan avtomobillər, "Chryslerin" rəsmi satış dilerləri tərəfindən pulsuz olaraq təmir ediləcək.

Ziya Rəhmanov

Ölkə.az