Azərbaycanlı iş adamı ilkə imza atıb

Azərbaycanlı iş adamı Əbülfəz Quliyev yeniliyə imza atıb.

8 ildir fəaliyyət göstərən “Piramida” reklam şirkətinin rəhbəri Ölkə.Az saytına açıqlamasında bildirib ki, şirkət reklam bazarında mətbəə, promosyon, reklam və polioqrafiya işləri ilə məşğul olur:

“8 ildir çöl reklamı və son 3 ildir ki, mətbəə işləri ilə məşğuluq. Mətbəə və promosyon işləri ilə məşğul olan bölməmiz “Piramida Print” adı altında fəaliyyət göstərir. “Piramida Print”in fəaliyyət göstərdiyi bu 3 il ərzində biz ajandaları Türkiyədən gətirib burada satırdıq. Keçən il nümunə olaraq bir qisim ajandanı burada istehsal etdik və uğurlu alındı. Qərara gəldik ki, bu ildən ajandaları elə özümüz burada istehsal edək. Hazırda sadəcə ajandanın üz qabığını Türkiyədən gətiririk. Digər bütün proseslər isə ölkəmizdə həyata keçirilir. Gələcək məqsədimiz odur ki, üz qabığı olan dəri hissələrini də burada istehsal edək. Planımızda yerli dəri istehsal edən şirkətlərdən biri ilə əməkdaşlıq edib ajandaları tamamilə burada istehsal etməkdir”.

Ə.Quliyev fəqrli növlərdə ajanda istehsal etdiklərini bildirib:

“Hal-hazırda 5 növ ajanda istehsal edirik. Keyfiyyətinə isə tam əminliklə zəmanət verə bilirik. Yüksək keyfiyyətli kağızlar, yüksək keyfiyyətli aparatlarda çap olunur. Üz dərisi termo dəri olur və termo çap loqo basqı edilir. İşlədiyimiz firmalara və reklam bazarında olan şirkətlərə kataloqlarımızı göndəririk. Onları işlərimizlə tanış edirik. Bizim ajandalarımız Azərbaycan təqvimi ilədir. Türk, yaxud da ingilis təqvimi ilə yox. Bundan əlavə 3 dildə olan ajandalarımız da var. Hal-hazırda ajanda bazarında rəqibimiz yoxdur. Yeganə rəqibimiz Türkiyədən gətirilən məhsullardır. Üstünlüyümüzü göstərən bir neçə faktor var. Məsələn, dərilərin İtalyadan və Türkiyədən gətirilməsi, yerli məhsul olduğu üçün qiymətlərin kifayət qədər aşağı olmasıdır. Türkiyə ajandaları bu an bazarda olduqca bahadır. Burada dolların qalxması və gömrük rüsumları da öz sözünü deyir. Biz professional şəkildə işləyirik”.

Şirkətin rəhbəri gələcək planlarından da bəhs edərkən yerli istehsalın inkişafı üçün çalışdıqlarını deyib:

“Azərbaycanda reklam bazarını genişləndirmək, təkmilləşdirmək, texnalogiyasından istifadə etmək bizim əsas hədəfimizdir. Bundan başqa yerli istehsalı inkişaf etdirmək vacibdir. Əlbəttə ki, yerli istehsalı inkişaf etdirmək üçün planladığımız bir neçə layihə var. Bu, qarşımıza qoyduğumuz ali məqsədlərdən biridir”.

Qeyd:

Siz də öz ajandanızı “Piramida Print” şirkətindən sifariş verə bilərsiniz. Keyfiyyətli, sərfəli və cəlbedici ajandalar sizin yolunuzu gözləyir.

Əlaqə nömrəsi: 0124090061