Dünyanın ən böyük dördüncü neft yatağı tapıldı

ABŞ daxili işlər nazirliyinin tərkibində olan geoloji kəşfiyyat qurumu ölkənin Texas əyalətinin qərbində, Permian Hövzəsindəki Volfkamp adlı sahədə böyük neft yatağı aşkar edib.

Ölkə.Az xəbər verir ki, yeni neft yatağında 20 milyard barell neft var və bu günkü qiymətlərlə dəyəri 1 trilyon dollardır. Eyni zamanda ərazidə 450 milyard kubmetr təbii qaz da var.

Qeyd edək ki, Səudiyyə Ərəbistanının Gavar neft yatağında 75 milyard barell, Küveytin Burgan yatağında 65-70 milyard barell və Səudiyyə Ərəbistanının Safaniya yatağında 50 milyard barell neft ehtiyatı var. Yeni kəşf edilmiş Volfkamp yatağı isə dünyanın dördüncü neft yatağı hesab edilir.

Volfqanq yatağında 1980-ci illərdən bu yana neft istehsal edilir və yeni tapılan ərazidən burğulama və digər yeni üsul ilə neft çıxarılacaq.

Hikmət
Ölkə.Az