Azərbaycan Rusiya ilə pensiya təminatına dair müqavilə imzalayacaq

Azərbaycan Rusiya ilə pensiya təminatı və əmək miqrasiyası məsələsində ikitərəfli əməkaşlığa dair müqavilə imzalamağa hazırlaşır.

Ölkə.Az xəbər verir ki, Azərbaycan əmək və sosial müdafiə naziri Səlim Müslümov Rusiya sosial sığorta fondunun nümayəndələri ilə görüşdə bu fikri səsləndirib.

Nazir qeyd edib ki, Azərbaycan MDB-də Rusiya ilə pensiya təminatına dair ikitərəfli müqaviləsi olmayan yeganə ölkədir. Hal-hazırda Rusiya tərəfi ilə pensiya təminatı və əmək miqrasiyası məsələlərinə dair müqavilənin imzalanması üçün hazırlıqlar aparılır.

Rusiya Azərbaycanın partnyorudur və Rusiya iqtisadiyyatına baş verən istənilən dəyişiklik Azərbaycana təsir edir. Nazir bildirib ki, neft qiymətlərinin aşağı düşməsi hər iki dövlətin iqtisadiyyatına mənfi təsir göstərib.

Hikmət
Ölkə.Az