“Aqrolizinq”in “Texnikabank”da 15,4 milyon manat vəsaiti qalıb

"Ölkə.Az" “Aqrolizinq”in 2016-cı ilin audit hesabatına istinadən xəbər verir ki, dövlət müəssisəsinin 31 dekabr 2016-cı il tarixinə “Texnikabank”da olan hesablaşma hesabında 706 min 591 manat, 3 mln. 888 min 695 avro (7 mln. 250 min 695 manat), 4,2 mln. dollar (7 mln. 436 min 940 manat) vəsaiti olub. Ümumilikdə, “Aqrolizinq”in bankda təxminən 15,4 mln. manat vəsaiti qalıb.

Əmanətlərin Sığortalanması Fondunun icraçı direktoru Azad Cavadov “APA-Economics”ə bildirib ki, adıçəkilən bankda hüquqi şəxslərin vəsaitlərinin qaytarılması prosesinə hələlik başlanılmayıb: “Bankda qiymətləndirmə prosesi davam etdirilir. Məhz bu proses yekunlaşdıqdan sonra dəqiq məlumat vermək olar”.