Analitik: "Neftin qiyməti qalxsa belə, rublun düşməsi dayanmayacaq"

Ölkə.az Rusiya KİV-lərinə istinadən xəbər verir ki, ölkənin ən böyük birja broker şirkəti olan "PROFİT Group"un analitiki Qleb Zadoya rublun mövqelərinin zəifləməsini analiz edib.

Analitik bilidirib ki, Rusiyanın milli valyutası rublun ucuzlaşması artıq neftin qiymətlərindən asılı deyil. Zadoya qeyd edib ki, əgər neftin qiymətləri qalxsa belə, yenə rubl düşməkdə davam edəcək.

O, iqtisadi inkişaf naziri Ulyukayevin və energetika naziri Novakın sözlərini şərh edərkən, "neftin qiymətlərinin bahalaşacağı təqdirdə rublun məzənnəsinin qalxacağını gözləmək sadəlövhlükdür" deyə vurğulayıb.

"Bunu dəfələrlə müşahidə etmişik. Hətta neftin yuxarı qalxdığı illərdə belə rubl öz mövqelərini möhkəmləndirə bilmədi. Onun dollara və digər xarici valyutalara nisbətdə məzənnəsinin stabil qalması müşahidə olunsa da, məzənnəsinin yüksəldiyinin heç vaxt şahidi olmamışıq", deyə analitik bildirib.

Ölkə.az