“Vaksin vurduranlar 6 ay ərzində hamilə qalmamalıdır” iddiasına RƏSMİ cavab
TƏBİB-in infeksion xəstəliklər üzrə işçi qrupunun üzvü, həkim-infeksionist Nəzrin Mustafayeva koronavirus vaksini vurduran şəxslərin 6 aydan 3 ilədək hamiləlik planlaşdırmasının zərərli olması ilə bağlı səsləndirilən iddialara cavab verib.
“Ölkə.az” xəbər verir ki, N.Mustafayeva vaksinasiya prosesinin yeni bir anlayış olmamasına diqqət çəkib:
“Onillərdir müxtəlif vaksinlərdən istifadə olunur. Xüsusilə inaktiv vaksinlər üçün bunu deyə bilərik ki, hamiləlik planlaşdırılması zamanı bunlar əks-göstəriş deyil. Lakin yenə də həmin şəxslər öz ginekoloqlarının yanına gedib müayinə olunsalar, məsləhət alsalara, daha yaxşı olar.
Bu gün vaksinin hamiləlik planlaşdırılması üçün əks-göstəriş olması ilə bağlı məlumat yoxdur”.
