Son sutkada yoluxanların sayı açıqlandı
Azərbaycan Respublikasında koronavirus (COVID-19) infeksiyasına 75 yeni yoluxma faktı qeydə alınıb, 16 nəfər müalicə olunaraq sağalıb.
Nazirlər Kabineti yanında Operativ Qərargahdan "Ölkə.az"a verilən məlumata görə, COVID-19 üçün götürülən analiz nümunələri müsbət çıxmış şəxslərdən 2 nəfər vəfat edib.
Azərbaycanda indiyədək ümumilikdə 829 799 nəfərin koronavirus infeksiyasına yoluxması faktı müəyyən edilib. Onlardan 819 172 nəfər müalicə olunaraq sağalıb, 10 184 nəfər vəfat edib, aktiv xəstə sayı 443 nəfərdir.
Ölkədə son sutka ərzində 1155, hazırkı dövrədək isə 7 559 748 test aparılıb.
Son sutkada koronavirus (COVID-19) əleyhinə 440 vaksin vurulub. Bir gündə birinci mərhələ üzrə vaksinasiya olunanların sayı 374, ikinci mərhələ üzrə vaksinasiya olunanların sayı 19, üç və daha çox doza üzrə vaksinasiya olunanların sayı 35, pozitiv nəticədən sonra buster doza üzrə vaksinasiya olunanların sayı 12 nəfərdir.
Vurulan vaksinlərin ümumi sayı 13 955 140, birinci mərhələ üzrə vaksinasiya olunanların ümumi sayı 5 407 109, ikinci mərhələ üzrə vaksinasiya olunanların sayı 4 880 045, üç və daha çox doza üzrə vaksinasiya olunanların sayı 3 402 034, pozitiv nəticədən sonra buster doza üzrə vaksinasiya olunanların sayı isə 265 952 nəfər təşkil edir.
