Elm dünyası şokda: Koronavirusa görə 217 dəfə peyvənd vurdurdu
Almaniyada yaşayan 62 yaşlı kişi könüllü olaraq 217 doza Covid peyvəndi alıb.
Ölkə.Az xəbər verir ki, Maqdeburq şəhərində yaşayan şəxs bu peyvəndləri 29 ay ərzində vurdurub.
"The Lancet Infectious Disease" jurnalında yayımlanan məlumata görə, kişinin cəmi 9 ay ərzində ən azı 130 doza peyvənd aldığı sübuta yetirilib.
Erlangen-Nürnberq Universitetinin tədqiqatçıları adı açıqlanmayan subyektin sağlamlığının yaxşı olduğunu və heç bir mənfi təsir göstərmədiyini bildirib.
62 yaşlı kişi araşdırma üçün könüllü olaraq tibbi məlumat, qan və tüpürcək nümunələrini təqdim etməyə razılaşıb.
217 dəfə peyvənd olunan şəxsin pandemiya zamanı və ya ondan sonra SARS-CoV-2 infeksiyasına yoluxmadığı bildirilir.
Peyvənd dozalarının çoxunun BioNTech və ya Moderna olduğu deyilib.
