Zaqatalada toyda oynamaq üstündə atanı öldürdülər, oğlu isə....-QƏTLİN TƏFƏRRÜATI

Zaqatala rayonunda həmkəndlisini qətlə yetirməkdə təqsirli bilinən Abdul Ayalov Şəki Apellyasiya Məhkəməsinə şikayəti verib.

"Ölkə.Az" xəbər verir ki, onun şikayətinə hakim Rafail Əliyevin sədrliyi ilə baxılacaq.

İş üzrə məhkəmə baxış iclası dekabrın 1-nə təyin olunub.

Qeyd edə ki, hadisə Zaqatala rayonunun Danaçı kəndində baş verib.

Kənd sakininin həyətində keçirilən toy mərasimində kənd sakinləri 1963-cü il təvəllüdlü Abakar Salam oğlu Zutov, onun oğlu 1991-ci il təvəllüdlü Həmzət Zutov və onların həmkəndlisi 1990-cı il təvəllüdlü Abdul Rəcəb oğlu Ayalov arasında rəqs etmək üstündə dava düşüb.

Məclis iştirakçıları davanın qarşısını alaraq tərəfləri sakitləşdiriblər. Mərasim başa çatdıqdan sonra adıçəkilən şəxslər toy sahibinin evində yığışıblar. Bu zaman onlar arasında yenidən dava düşüb və nəticədə Abdul Ayalov stolun üstündə olan mətbəx bıçağı ilə Abakar Zutova və onun oğlu Həmzət Zutova xəsarətlər yetirib. Ağır bıçaq xəsarətləri alan Abakar Zutov Zaqatala Rayon Mərkəzi Xəstəxanasına aparılarkən yolda ölüb, oğlu Həmzət Zutov isə xəstəxanaya yerləşdirilib.

Həmkəndlisini bıçaqlayaraq qətlə yetirən Abdul Ayalov Zaqatala Rayon Polis Şöbəsinin əməkdaşları tərəfindən şübhəli şəxs qismində saxlanılıb.

Ölkə.Az