Tovuzda arvadını qətlə yetirən kişi HAKİM QARŞISINDA
Gəncə Ağır Cinayətlər Məhkəməsində arvadını qətlə yetirməkdə təqsirli bilinən Malik Məmmədəliyevin cinayət işi üzrə hazırlıq iclası başalyıb.
"Ölkə.Az" xəbər verir ki, cinayət işi hakim Faiq Mahmudovun sədrliyi ilə araşdırılır.
İş üzrə məhkəmə baxış iclası dekabrın 29-na təyin olunub.
Qeyd edək ki, hadisə bu ilin avqust ayında Tovuz rayonunun Aşağı Quşçu kəndində qeydə alınıb.
1986-cı il təvəllüdlü Məmmədəliyev Malik Şahmar oğlu ailə münaqişəsi zəminində həyat yoldaşı, 1990-cı il təvəllüdlü Rəqsanə Məmmədovanı bıçaqlayıb.
Qadın Tovuz rayon Mərkəzi Xəstəxanasına yerləşdirisə də onun həyatını xilas etmək mümkün olmayıb.
M.Məmmədəliyevə Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.
Ölkə.Az
