Bakıda 28 yaşlı oğlan tanışını qətlə yetirib

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Mahmud Ağalarovun icraatına verilib.

İş üzrə məhkəmə hazırlıq iclası yaxın günlərdə keçiriləcək.

Qeyd edək ki, hadisə bu il avqustun 3-də saat 18 radələrində Nərimanov rayonu Ağa Neymətulla küçəsi ev 20-nin qarşısında baş verib.28 yaşlı İmaməli Xıdırov tanışı və həmyaşıdı Rəşad Sadıqovu bıçaqlayıb. Yaralı xəstəxanaya aparılsa da onun həyatını xilas etmək mümkün olmayıb..

İmaməli Xıdırov polis tərəfindən tutulub.O,ilkin ifadəsində şəxsi münasibətlər zəminində aralarında yaranan münaqişə zamanı cinayəti törətdiyini deyib. Faktla bağlı İmaməli Xıdırov barəsində Nərimanov rayon Prokurorluğundan ''qəsdən adam öldürmə'' maddəsi ilə cinayət işi başlanıb.

Ölkə.Az