Bakıda keçmiş məhkum tanışını döyərək öldürüb

"Ölkə.Az" xəbər verir ki, hadisə Sabunçu rayonu ərazisində qeydə alınıb.

Belə ki, həmin rayonda yaşayan, əvvəllər məhkum olunmuş Bahadur Cəfərov evində münaqişə zəminində Bakı şəhər sakini olan tanışı Rəfayel Rzayevi taxta parçası ilə döyərək qətlə yetirib.
Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.

Polis və prokurorluq orqanları əməkdaşlarının keçirdikləri təxirəsalınmaz istintaq və əməliyyat-axtarış tədbirləri ilə B.Cəfərov saxlanılıb.

İş üzrə təqsirləndirilən şəxs qismində dindirilən Bahadur Cəfərov ifadəsində bildirib ki, son vaxtlar Sabunçu qəsəbəsində yaşayıb. Kafe və sexlərdə günəmuz fəhlə işləyib. Özü kimi daimi yaşayış yeri olmayan tanışı Rafayel Rzayevi uzun müddətdiki tanıyır. Onunla tez-tez 3 saylı xəstəxananın yaxınlığında rastlaşıb. Rafayel onun yaşadığı evə bir neçə dəfə gələrək orda gecələyib. Bahadur bildirib ki, araq içdikdən sonra tanışı aqressivləşib və dava etməyə meyilli olub. Buna görədə Rafayelin yaşadığı evə gəlməsini istəməyib.

Sentyabrın 2-də Rzayev içkili vəziyyətdə onunla mübahisə edəndə Cəfərov həyətdən götürdüyü küt alətlə onu döyüb.
Həmin hadisədən sonra Rafeyel çıxıb gedib və bir neçə gün görsənməyib.

Bahadur Cəfərov ifadəsində daha sonra bildirib ki, sentyabrın 11-i gecə saat 2 radələrinə həyətdə oturub araq içərkən Rafayel gəlib və 9 gün əvvəlki mübahisəyə görə onu söyməyə başlayıb: "Əsəbləşib yaxışnlaşdım Rafayelə. Üz-üzə dayanan kimi taxta parçası ilə 5-6 dəfə başına və bədəninin müxtəlif nahiyyələrinə zərbələr vurdum. Rafayeldə yumruqla mənim sifətinə bir neçə zərbə vurdu. Əlimdəki taxta sınandan sonra təpiklə onun sifətinə zərbələr vurdum".

Hərəkətsiz vəziyyətdə qalan Rzayevin xırıldadığını və alın nahiyyəsindən qan axtığını görüb öləcəyindən qorxduğu üçün tanışını sürüyərək hasardan kənara çıxarıb. Onu arabaya qoyaraq yaxınlıqdakı xəstəxanaya aparıb.
Xəstəxanada həkimlər Rafayelin artıq öldüyünü deyiblər.

Polis əməkdaşları tərəfindən saxlanılan Bahadur Cəfərov şöbədə əvvəl polisləri aldatmaq istəyib. Bildirib ki, Rafayeli təsadüfən küçədə yaralı vəziyyətdə aşkar edib və buna görə xəstəxanaya gətirib. Lakin sonra tanışını döydüyünü etiraf edib.

Məhkəmə iclasında Bahadir Cəfərov ittiham üzrə özünü təqsirli bilməyib. Qeyd edib ki, bu cinayətə aidiyyatı yoxdur və o, heç kimi öldürməyib.

Zərərçəkmiş şəxsin hüquqi varisi qardaşını qətlə yetirən şəxsə ağır cəza verilməsini xahiş edib.

Məhkəmə qənaətə gəlib ki, Bahadur Cəfərov CM-nin 120.2.4-cü ( xüsusi amansızlıqla qəsdən adam öldürmə) maddəsi ilə təqsirli bilinərək qanunla müəyyən edilmiş qaydada cəzalandırılmalıdır.

Sonda məhkəmənin hökmü ilə 1969-cu il təvəllüdlü Bahadur Cəfərov 16 il müddətinə azadlıqdan nəhrum edilib.

Ölkə.Az