Şamaxıda kişi keçmiş arvadını mağazada öldürüb
Şamaxı rayonunda keçmiş arvadını qətlə yetirməkdə təqsirli bilinən Elton Hüseynovun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Samir Əliyevin icraatına verilib.
İş üzrə məhkəmə hazırlıq iclası fevralın 4-nə təyin olunub.
Qeyd edək ki, hadisə rayonun M. Ə. Rəsulzadə küçəsində yerləşən "Ucuzluq" marketdə qeydə alınıb.
Rayon sakini Elton Hüseynov marketdə keçmiş həyat yoldaşı Xanım Teymurova ilə rastlaşıb. Tərəflər arasında yaranan mübahisə nəticəsində E. Hüseynov üzərində gəzdirdiyi bıçaqla X. Tetmurovaya bir neçə zərbə endirib. Yaralı mağazadakıların köməkliyi ilə xəstəxanayaya çatdırılsa da, orada ölüb.
Şamaxı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törədən şəxs saxlanılıb.
Ölkə.Az
