Ruhi xəstə əmisi qızı ilə cinsi əlaqədə olan şəxsi öldürdü - LERİKDƏ TÜKÜPRƏDİCİ QƏTLİN TƏFƏRRÜATI
"Ölkə.Az" xəbər verir ki, sentyabrın 4-də saat 11.15 radələrində Lerik rayonunun Mistan kəndində yerli sakin Natiq Əliyevə məxsus “UAZ-469” markalı avtomaşın dərəyə aşmış vəziyyətdə tapılmışdır. N.Əliyevin üzərində zorakılıq əlamətləri olan meyiti avtomaşının yaxınlığında aşkar edilmişdir.
Daxili İşlər Nazirliyinin mətbuat xidmətindən verilən məlumata görə, Lerik Rayon Polis Şöbəsi və rayon prokurorluğu əməkdaşlarının birgə keçirdikləri əməliyyat tədbirləri nəticəsində N.Əliyevin Bakı şəhər sakini İdrak Vahabov tərəfindən bıçaqla qətlə yetirilməsi müəyyən edilmişdir.
Cinayəti törətməkdə şübhəli bilinən İdrak Vahabov hadisədən 3 gün sonra polisə könüllü gələrək təslim olub.
Təqsirləndirilən şəxs qismində dindirilən İdrak Vahabov ifadəsində bildirib ki, 2010-cu ilin iyun ayında xatırlamadığı adamlardan Lerik rayon sakini Natiq Əliyevin onun psixi və fiziki xəstə əmisi qızı G.V-nı ( ad-soy ad şərtidi) onunla evlənəyəci barədə vəd verib aldadaraq cinsi əlaqədə olduğunu eşidib. Bu barədə qızın özündən soruşduqda sonuncu 2009-cu ilin payızında belə hadisənin baş verməsini təsdiq edib.
İdrak Natiqin Gültəkinlə evlənməsi üçün onunla söhbət etmək qərarına gəlib və Bakıdan Lerikə gəlib. Lerikdə dayısı oğlu Oqtayın evində iki gün qalandan sonra əmisinin ailəsi yaşayan Mistan kəndinə yola düşüb.
Bu vaxt yolun kənarında UAZ markalı avtomobildə olub. İdrak dayısı oğlundan avtomobilin kimə məxsus olmasını soruşanda o, Natiqə məxsus olduğunu bildirib.
Natiqə yaxınlaşan İdrak Mistan kəndinə getmək istədiyi bildirib.
Natiq də həmin kəndin onun yolunun üstündə olduğundan tanımadığı İdrakı aparmağa razılaşıb.
Rəzqov Mistan yolunun 2-ci kilometrliyində İdrak Natiqdən avtomobili saxlamasını və onunla söhbət etmək istəməsini deyib.
Maşından düşən kimi İdrak Natiqə düzgün hərəkət etmədiyini, qızı aldatdığını dediydə, sonuncu qızın ünvanına söyüşlər söyüb. Bu zaman Natiqlə İdrak arasında dava başlayıb.
Həmin vaxt içərisində yarım tona yaxın kartof olan UAZ öz-özünə hərəkət edərək dərəyə yuvarlanıb.
Avtomobilinin yarasız hala düşdüyünü görən Natiq İdrakın və qızın ünvanına yenidən söyüş söyüb. Söyüşdən sonra İdrak Natiqi döyməyə başlayıb. Yerə yıxılan Natiq cibindən bıçaq çıxarıb. İdmanla məşğul olan İdrak bıçağı fəndlə ondan alıb.
Bundan sonra İdrak həmin bıçaqla Natiqə bir neçə zərbə endirib. Sonuncu bir az xırıldayandan sonra nəfəsi kəsilib.
İdrak Vahabov meyiti yoldan kənara çəkib və telefonla dayısı oğluna zəng edərək yolda qaldığını kəndə çatanda özü xəbər edəcəyini deyib.
Piyada əmisi qızı gilin yaşadığı Mistan kəndinə gedib. Evə çatandan əlindəki bıçağı yargana atıb və əynindəki paltarlar qana bulaşdığı üçün hamamda yuyunub, paltarlarını dəyişib yatıb.
Səhərisi gün Lənkəran şəhərinə, ordan isə taksi ilə Bakıya gəlib.
Ailəsi ilə sağollaşandan sonra polisə təslim olub.
Məhkəmə prosesi zamanı Vahabov ittiham üzrə özünü qismən təqsirli hesab edib.
Məhkəmədə ifadə verən İdrak Vahabov Natiqi namus üstə öldürdüyünü bildirib.
Məhkəmə zərərçəkən tərəfi də dinləyib. Oğlunu itirən Xeyrulla Əliyev məhkəmədə bildirib ki, oğlu namus üstə deyil, pul üstə qətlə yetirilib.
Sonda məhkəmənin hökmü ilə İdrak Vahabov 15 il müddətinə azadlıqdan məhrum edilib.
Ölkə.Az
