Arvadından şübhələnən kişidən DƏHŞƏTLİ ƏMƏL: QANLI CİNAYƏTİN TƏFƏRRÜATI

"Ölkə.Az" xəbər verir ki, Aqşin Quliyev arvadı ilə sevgi münasibətində olan qonşusunu qətlə yetirib. Bir neçə saat sonra isə 20 il əvvəl qardaşının arvadına sataşmış şəxsi öldürmək istəyib.

İttihama görə, Suraxanı rayonu, Bülbülə qəsəbəsində yaşayan Aqşin Quliyev qonşusu 1972-ci il təvəllüdlü İlham Həşimovu xüsusi amansızlıqla qətlə yetirib. Qətlin törədilməsinə səbəb Aqşinin İlham Həşimovla həyat yoldaşı arasında olan münasibəti öyrənməsi olub. Aqşin qonşusu İlhamı öz evinə çağıraraq bu haqda ondan soruşub. İlham bu söz-söhbəti təkzib edib. Amma Aqşin Quliyev İlhamı öldürmək niyyətindən daşınmayıb.

Aqşin əvvəlcə şirniyyat qoymaq üçün istifadə olunan qabı İlhamın başına vurub. Sonra əlbəyaxa olublar. Aqşin daha sonra xüsusi amansızlıqla və qəddarlıqla İlhamın boyun nahiyyəsinə 3 bıçaq zərbəsi endirib.

İş üzrə təqsirləndirilən şəxs qismində dindirilən Şahin Quliyev ifadəsində bildirib ki, 2000-ci ildə Sahilə Cəfərova ilə rəsmi nigaha daxil olaraq ailə həyatı qurub və 3 övladı dünyaya gəlib.

Aqşin Quliyev deyib ki, qətlə yetirdiyi İlham Həşimovla qonşu olublar, 2000-ci ilin əvvəllərindən tanışdılar. O, digər zərərçəkmiş Füzuli Şirinovla uzaq qohum olduğunu deyib.

"Mən artıq onlardan şübhələnmişdim. Mən kişiyəm, adam arvadının ona xəyanət etdiyini hiss edir. Dəfələrlə onların şübhəli hərəkətlərini tutdum. Axırıncı dəfə də evdən çıxanda İlhamın bizim balkondan evə baxdığını gördüm. Bir az səbrli olsa idim, onları birlikdə də tuta bilərdim. Amma səbrim çatmadı. Artıq ailəm dağılmışdı. Mən neftçi idim. 15 günlük dənizə gedib gələndə görürdüm ki, artıq ailə deyilik. Onunla bir evdə nəfəs ala bilmirdim, boğulurdum. Artıq ər-arvad deyildik. Uşaqlar da gedəndən sonra artıq həyat mənim üçün bitdi.

Mən onu öldürməyi qərarlaşdırdım. İlhamın nömrəsini tapıb özüm zəng elədim. Evə dəvət edib ondan soruşdum. Dedi ki, belə bir şey yoxdur. Əvvəlcə meyvə qabı ilə başına vurdum. Əlbəyaxa olandan sonra qaçmaq istəyəndə qapının ağzında ona çatdım. Bıçaqla ona zərbələr endirdim. Qardaşım pəncərədən girdi ki, bizi sakitləşdirsin. Təcili yardım çağırmaq da gec idi. Çünki mən onun boğazını kəsmişdim".

Aqşin Quliyev ifadəsinin davamında Füzuli Şirinovu qətlə yetirmək istəməsi barədə danışıb. Deyib ki, Füzuli 20 il əvvəl onun qardaşı arvadına sataşıb: "Onu 20 il əvvəl qardaşımın arvadı ilə tutmuşdum. Fikirləşdim ki, artıq içəri gedirəm. Onu azadlıqda qoyub gedə bilməzdim. Füzulini hər məclisdə görəndə boğulurdum. Öz başıma da bu iş gələndə qərara aldım ki, onsuz da gedirəm və bu işi də həll edim. Sınıqçı işlədiyini bilirdim. Binəqədiyə gedib onu tapdım. Öldürmək istəyəndə əfrafdakılar onu qoruya bildi".

Məhkəmə prosesi amanı Aqşin Quliyev ittiham üzrə özünü təqsirli bilib.

Zərərçəkmiş şəxsin huquqi varisi məhkəmədən təqsirləndirilən şəxsə ömürlük azadlıqdan məhrum etmə cəzası verilməsini istəyib.

Aqşin Quliyevə qarşı Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) və 29.120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddələri ilə ittiham irəli sürülüb.

Sonda məhkəmənin hökmü ilə Aqşin Quliyev 20 il müddətinə azadlıqdan məhrum edilib.

Ölkə.Az