Sevgilisini küçədə bıçaqlayıb öldürdü - BAKIDAKI QƏTLİN TƏFƏRRÜATI - VİDEO

"Ölkə.Az" xəbər verir ki,  hadisə Binəqədi rayonu, 7-ci mikrorayon, S.S.Axundov küçəsində baş verib. 1996-cı il təvəllüdlü Məmmədov Sərxan Xanlar oğlu “Bilyard” çay evinin qarşısında qeyri-rəsmi münasibətdə olduğu 1989-cu il təvəllüdlü İsmayılova Pərvanə Fərman qızına qısqanclıq zəminində 5 bıçaq zərbəsi vurub. P.İsmayılova aldığı bıçaq zərbələri nəticəsində ölüb.

Həmin gecə Sərxan Məmmədov şübhəli şəxs qismində polis əməkdaşları tərəfindən saxlanılıb. 

Binəqədi rayon prokurorluğunda CM-nin 120.1-ci (qəsdən adam öldürmə) maddəsi ilə cinayət işi başlanılıb. 

Təqsirləndirilən şəxs qismində ifadə verən Sərxan Məmmədov bildirib ki, Pərvanə İsmayılova ilə 2019-cu ildə tanış olub. Aralarında yaxın münasibət yaranıb. Bir müddət qadının kirayə qaldığı evdə birlikdə yaşayıblar. Amma təxminən 2 aydan sonra mübahisələri yarandığından yarılıblar. 

Noyabrın 10-da dostu Cabirin vasitəsi ilə Pərvanə ilə barışıb və Binəqədi qəsəbəsində kirayadə yaşayıblar. 

Bir müddət sonra Pərvanə ona birgə yaşamaq istəmədiyi haqqda mesaj göndərib. 

Axşam evdən mətbəx bıçağını götürüb “Bilyard” çay evinə yollanıb. Sərxanın sözlərinə görə məqsədi qadınla barışmaq olub. Obyektdən əvvəl Cabir sonra isə Pərvanə çıxıb. Bu dəqiqə onu öldürəcəyini deyib cibindəki bıçağı çıxarmaq istəyənda Cabir ona mane olmağa çalışıb. Buna baxmayaraq Sərxan qadına 5 bıçaq zərbəsi endirib. 

Hadisədən sonra qaçaraq bıçağı zibil yeşiyinə tullayıb. 

Məhkəmə prosesi zamanı Sərxan Məmmədov özünü qismən təqsirli bilib. 

Sonda məhkəmənin hökmü ilə Sərxan Məmmədov 18 il müddətinə azadlıqdan məhrum olunub.

Ölkə.Az