Paytaxt sakini tanışını 200 manata görə öldürüb - QANLI CİNAYƏTİN TƏFƏRRÜATI - VİDEO
"Ölkə.Az" xəbər verir ki, Bakı şəhər sakini, 64 yaşlı Firuddin Hüseynovun meyiti Nərimanov rayonu F.Yusifov küçəsindəki mənzilində tapılıb.
Məlum olub ki, F.Hüseynov həmin ünvanda tanışı Zakir Məmmədovla mübahisə edib. Mübahisə zamanı Z.Məmmədov F.Hüseynovun baş nahiyəsindən küt alətlə vurub. O, aldığı xəsarətdən ölüb.
Bakı Şəhər Baş Polis İdarəsinin Cinayət Axtarışı İdarəsi və Nərimanov Rayon Polis İdarəsinin 17-ci Polis Bölməsinin əməkdaşlarının keçirdikləri istintaq və əməliyyat-axtarış tədbirləri ilə qətli törətməkdə şübhəli bilinən paytaxt sakini Z.Məmmədov tutulub.
Təqsirləndirilən şəxs qismində dindirilən Zakir Məmmədov ifadəsində bildirib ki, 1984-cü ilə Bakıda anadan olub. Xəzər rayonunun Şüvəlan qəsəbəsində yaşayıb. Firudin Hüseynovla təsadüfən 2010-cu ildə tanış olub.
Belə ki, ailəsindən ayrıldıqdan sonra pula ehtiyacı olduğu üçün köhnə məişət əşlalarını satmaq istəyib. Buna görə qəzetdə elanlardan bir nömrə yığıb və Hüseynova düşüb:
"Birinci dəfə onunla görüşdük ona kondinsaner satmışdım. Sonra əlaqəmiz yarandı bacısına mebel satdım. Belə 5-6 dəfə alış veriş eləmişik".
Zakir Məmmədov ifadəsinin davamında bildirib ki, bir müddət sonra Firudinə zəng edərək ona kombi aparatı satmaq istədiyini deyib. Firudin cavabında aparatı gətirib əvəzində ona 300 manat verəcəyini bildirib.
Saat 23:00 radələrində taksi ilə Firudinin yaşadığı mənzilə gəlib. Onunla dəhlizdə dayanıb söhbət edərkən o, cinibdən 100 manat çıxarıb və bundan artıq pulunun olmadığını deyib. Zakir əsəbləşib ev sahibindən təkidlə pul istəsə də sonuncu pul olmadığını deyib:
"Dedi mənə 100 manat pulum var. Dedim elə danışmamışdıq axı. Sən həmişə belə edirsən. Başladıq mübahisə eləməyə. Söyüş söyməyə başladı. Məndə əsəbləşib dəmir parçası var idi onu götürüb vurdum başına, 3-4 attım getdi qabağa sonra yıxıldı yerə".
Daha sonra mətbəxə keçən Məmmədov küt aləti eyvannan çolə atıb otağa qayıdıb. Yerdə olan 100 manat pulu götürüb cibinə qoyub və taksiyə minərək hadisə yerindən uzaqlaşıb.
Məhkəmə prosesində Zakir Məmmədov ittiham üzrə özünü qismən təqsirli bilib.
Sonda məhkəmənin hökmü ilə 33 yaşlı Zakir Məmmədov 17 il müddətinə azadlıqdan məhrum olunub.
Ölkə.Az
