Tərtərdə qonşu qonşunu qətlə yetirib - MƏHKƏMƏ
Gəncə Ağır Cinayətlər Məhkəməsində Tərtər rayonunda qonşusunu qətlə yetirməkdə təqsirli bilinən Nail Hümbətovun cinayət işi üzrə məhkəmə hazırlıq iclası keçirilib.
Ölkə.Az" xəbər verir ki, hakim Elmin Rüstəmovun sədrliyi ilə keçirilən prosesdə anket məlumatları dəqiqləşdirilib.
Məhkəmə baxış iclası aprelin 19-na təyin olunub.
Qeyd edək ki, 2020-ci il mayın 8-də Tərtər şəhərinin Cavanşir küçəsində yaşayan A.Hümbətov Daxili İşlər Nazirliyinin “102 Zəng Mərkəzi” xidmətinə müraciət edərək yaşadığı evin yaxınlığında kişi meyiti olduğu barədə məlumat verib.
İlkin araşdırma zamanı müəyyən olunub ki, Tərtər sakini, 1980-ci il təvəllüdlü Zeynalov Xətai Sabir oğlu mayın 8-i gecə saatlarında qonşusu Hümbətov Naib Nadir oğlu tərəfindən bıçaqlayaraq öldürüb. Daha sonra Nail Hümbətov saxlanıb.
Faktla bağlı Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanılıb.
Ölkə.Az
