“Sağ əlini qaldırıb damarlarını kəsdim” – Bakıdakı dəhşəli qətlin təfərrüatıxa0
“Ölkə.Az” xəbər verir ki, hadisə Sabunçu rayonunun Bakıxanov qəsəbəsində baş verib. 1991-ci il təvəllüdlü Orxan Allahverdiyev bir yerdə yaşadığı bibisi 1958-ci il təvəlüdlü Afət Allahverdiyevanı qətlə yetirib.
O. Allahverdiyev yatmış vəzəyyətdə olan bibisinin baş nahiyyəsinə çəkiclə çoxsaylı xəsarətlər yetirərək qətlə yetirir.
Cinayəti törətməkdə şübhəli bilinən Orxan Allahverdiyev şübhəli şəxs qismində saxlanılb.
Saxlanılan Orxan Allahverdiyev ifadəsində bildirib ki, 2009-cu ildə soyğunçuluq cinayəti törətdiyi üçün 5 il azadlıqdan məhrum edilib. 2012-ci ildə vaxtından əvvəl cəzadan azad edilib. 2015-ci ildə anası vəfat edib. Qardaşının borcu olduğu üçün Xətai rayonunda olan evlərini kirayə verib Suraxanı rayonunda nənəsi ilə yaşayıb. Hadisədən 6 ay əvvəl bibisi Afət Allahverdiyevanın evinə köçərək orada yaşamağa başlayıb.
Söhbətlərin birində bibisinin anasına qarşı işlətdiyi xoşagəlməz sözlər eşidib: “Bibimlə söhbət eləyən zaman dedim ki, sən niyə yoldaşına bu qədər üz verirsən ki, oda mənim anam barədə belə danışır. O da mənə qayıdıb dedi ki, “heç sənin ananda müdəddəs adam olmayıb”.
İyulun 17-si səhər saatlarında evin dəhlizindən götürdüyü çəkiclə yatmış vəziyyətdə olan bibisinin baş nahiyyəsinə ardıcıl zərbələr vurub.
Zərbələrdən çəkicin baş hissəsi qopub. Sonra isə çəkicin taxtası ilə onu boğmağa çalışıb. Lakin bu yolla onu öldürə bilməyəcəyini düşünüb mətbəxə keçib və bıçaq götürüb yenidən bibisinin yanına qayıdıb. Orxan Allahverdiyev bıçaqla bibisinin qollarını kəsib:
“Saat 2 idi ürəyim sıxıldı yata bilmirdim fiikirdən. Çıxdım çölə hava almağa. Oturub fikirləşdim ki, onu öldürəcəm. Getdim dəhlizdən çəkici tapıb gəldim otağa. Bibim üzün çöndərib mənə baxan kimi çəkiclə başından təxminən 12-13 zərbə vurdum. Gördüm xırıldayır özümü itirdim. Sonra gedib mətbəxdən bıçağı götürüb gəldim. Dedim dəqiq ölsün deyə damarlarını kəsim. Sağ əlini qaldırıb damarına iki dənə kəsik atdım”.
Orxan Allahverdiyev ifadəsinin davamında bildirib ki, hadisəni törətdikdən sonra paltarlarını dəyişib və yataq otağından ona məxsus mobil telefonu götürüb evdən çıxıb.
Məhkəmə prosesi zamanı Orxan Allahverdiyev ittiham üzrə özünü qismən təqsirli bilib.
Zəərçəkmiş şəxsin hüquqi varisi təqsirləndirilən şəxsə ömürlük cəza təyin edilməsini xahiş edib.
Məhkəmə hesab edib ki, O.Allahverdiyevin CM-nin 120.2.4-cü (xüsusi amansızlıqla qəsdən adam öldürmə), 120.2.9-cu (köməksiz vəziyyətdə olan adamı qəsdən öldürmə), 120.2.11-ci (quldurluqla əlaqədar qəsdən adam öldürmə) və 181.3.3-cü (quldurluq zərərçəkmiş şəxsin sağlamlığına ağır zərər vurmaqla törədildikdə) maddələri ilə nəzərdə tutulmuş cinayət əməllərini törətməkdə təqsirli olması tam sübuta yetirilib.
Sonda məhkəmənin hökmü ilə 1991-ci il təvəllüdlü Orxan Allahverdiyev 19 il müddətinə azadlıqdan məhrum olunub.
Ölkə.Az
