Sabirabadda 22 yaşlı gənc qohumunu ürəyindən bıçaqladı

“Ölkə.Az” xəbər verir ki, cinayət işinin materialları baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Aqil Musayevin icraatına verilib.

İş üzrə məhkəmə hazırlıq iclası iyunun 3-nə təyin olunub.

Qeyd edək ki, qətl hadisəsi rayonun Qaragüney kəndində baş verib.

Həmin kəndin sakini, 1994-cü il təvəllüdlü Nuruşov Sakit Elşad oğlu əmisinin 22 yaşlı nəvəsi tərəfindən ürək nahiyəsindən bıçaqlanaraq qətlə yetirilib.

Faktla bağlı Sabirabad Rayon Prokurorluğunda cinayət işi başlanılıb, araşdırma aparılır.

Cinayətdə şübhəli bilinən Sabirabad rayonunun Qaragüney kənd sakini, 1998-ci il təvəllüdlü Muradov İftixar İfram oğlu saxlanılaraq istintaqa cəlb edilib.

Ona qarşı, Cinayət Məcəlləsinin 120.2.4-cü (xüsusi amansızlıqla və ya ümümi təhlükəli üsulla adam öldürmə) maddəsi ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Ölkə.Az