Gəncədə 36 yaşlı kişi keçmiş arvadını bazarda qətlə yetirib
Mayın 26-da saat 13 radələrində Gəncə şəhəri ərazisində Günay Amanovanın bıçaqlanaraq öldürülməsi barədə şəhər Prokurorluğuna məlumat daxil olub.
Bu barədə "Ölkə.Az"a Gəncə Şəhər Prokurorluğundan məlumat verilib.
Aparılan araşdırmalarla müəyyən edilib ki, hadisə "Gəncə Səbəti" adlanan bazarda qeydə alınıb. Şəhər sakini, 1990-cı il təvəllüdlü Gülay Amanova keçmiş həyat yoldaşı, 1984-cü il təvəllüdlü Qafar Amanov tərəfindən bıçaqlanaraq qətlə yetirilib. Hadisəni törədən şəxs polis əməkdaşları tərəfindən saxlanılıb.
Faktla bağlı Gəncə Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda cinayət işi üzrə istintaq hərəkətləri davam etdirilir.
