Ata və oğlunu küçədə güllələdilər
Türkiyədə qanlı cinayət baş verib.
“Ölkə.Az” İHA-ya istinadən xəbər verir ki, hadisə paytaxt Ankaranın Keçiören rayonunda baş verib.
Məlumata görə, V.U və atası M.U küçədə 3 nəfərin hücumuna məruz qalıb.
Hücumdan sonra 3 nəfər hadisə yerindən qaçıb.
Silah səslərini eşidən ətrafdakı vətəndaşlar polisə və təcili yardıma xəbər veriblər.
Hadisə yerinə gələn təcili yardım həkimlərinin ilk müdaxiləsindən sonra ata və oğul xəstəxanaya çatdırlıb.
Həkimlərin bütün müdaxilələrinə baxmayaraq, başından yaralanan ata dünyasını dəyişib, qolundan yaralanan oğlunun isə vəziyyəti orta agırdır.
Polis əməkdaşları tərəfindən cinayəti törətməkdə şübhəli bilinən hər 3 nəfər saxlanılıb.
Hadisənin səbəbləri araşdırılır.
Natiq
Ölkə.Az
