Bakıda kürəkənini öldürən qayınataya hökm oxunub

Binəqədi rayonunda kürəkənini qətlə yetirməkdə təqsirli bilinən Mehdi Abdullayevin cinayət işi üzrə məhkəmə prosesi başa çatıb.

"Ölkə.Az" xəbər verir ki, Bakı Ağır Cinayətlər Məhkəməsinin hakimi Mahmud Ağalarovun sədrliyi ilə keçirilən prosesdə tərsirləndirilən şəxsə hökm oxunub.

Məhkəmənin hökmü ilə Mehdi Abdullayev 10 il 6 ay müddətinə azadlıqdan məhrum edilib.
Qeyd edək ki, hadisə 2021-ci il martın 14-də Binəqədi rayonunun Biləcəri qəsəbəsi ərazisində qeydə alınıb.

Belə ki, M.Abdullayev qəsəbə ərazisində şəxsi münasibətlər zəminində aralarında yaranan mübahisə zamanı kürəkəni, 1981-ci il təvəllüdlü Mirzəyev Taleh Vaqif oğlunu bıçaqlayaraq qətlə yetirib.

İstintaq orqanı tərəfindən onun barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.