Şamaxıda tanışını bıçaqlayıb öldürən şəxsin məhkəməsi başlayır

Şamaxı rayonunda tanışını bıçaqlayaraq öldürməkdə təqsirli bilinən Mülalı Rizvanovun cinayət işi üzrə ibtidai istintaq başa çatıb. 

"Ölkə.Az" xəbər verir ki, cinayət işinin materialları baxılması üçün Sumqayıt Ağır Cinayətlər Məhkəməsinə göndərilib.

Cinayət işi hakim Hafiz Əliyevin icraatına verilib.

İş üzrə məhkəmə baxış iclası dekabrın 28-nə təyin olunub. 

Qeyd edək ki, mayın 14-də Şamaxı şəhər sakini Şəfayət Hacıyevin öldürülməsi barədə rayon prokurorluğuna məlumat daxil olub. 

Aparılan araşdırmalarla “Şamaxı” adlı marketdə gözətçi işləyən Mülkalı Rizvanovun şəxsi münasibətlər zəminində aralarında yaranmış mübahisə zamanı Şəfayət Haciyevə gəzdirdiyi cib bıçağı ilə çoxsaylı xəsarətlər yetirərək, daha sonra isə mişar daşı parçası ilə vuraraq qəsdən öldürməsinə əsaslı şübhələr müəyyən edilib.

Faktla bağlı Şamaxı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanlb.

Mülkalı Rizvanov şübhəli şəxs qismində tutularaq istintaqa cəlb edilib.

Natiq