Coratda tanışını öldürməkdə təqsirləndirilən şəxsin məhkəməsi başlayıb

Sumqayıtda 33 tanışını qətlə yetirməkdə təqsirli bilinən Azər Dadaşovun cinayət işi üzrə məhkəmə hazırlıq iclası keçirilib.

"Ölkə.Az" xəbər verir ki, Sumqayıt Ağır Cinayətlər Məhkəməsində hakim Nahid Mirzəyevin sədrliyi ilə keçirilən prosesdə anket məlumatlaerı dəqiqləşdirilib.

İş üzrə məhkəmə baxış iclası dekabrın 14-nə təyin olunub.

Belə ki, Sumqayıt şəhərinin Corat qəsəbəsi ərazisində 1989-cu il təvəllüdlü Cavid Şirməmmədovun aldığı bıçaq xəsarətləri səbəbindən ölməsi faktı ilə bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Aparılmış araşdırmalarla zərərçəkmişin tanışı, həmin qəsəbənin sakini 1985-ci il təvəllüdlü Azər Dadaşovun şəxsi münasibətlər zəminində aralarında yaranmış münaqişə zamanı bıçaqla xəsarətlər yetirərək Cavid Şirməmmədovu qəsdən öldürməsinə əsaslı şübhələr müəyyən edilib.

Azər Dadaşov şübhəli şəxs qismində tutulub.