İşlədiyi kafenin sahibini öldürməkdə təqsirləndirilən şəxs hakim qarşısında

Gəncədə qətl hadisəsi törətməkdə təqsirləndirilən Samir Hüseynovun cinayət işi üzrə ibtidai istintaq başa çatıb.

"Ölkə.Az"xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib.

Hakim Abdulla Məmmədovun sədrliyi ilə məhkəmə hazırlıq iclası keçirilib və anket məlumatları dəqiqləşdirilib.

İş üzrə məhkəmə baxış iclası noyabrın 28-nə təyin olunub.

Qeyd edək ki, hadisə Gəncənin Nizami Gəncəvi prospektində yerləşən kafedə baş verib. Kafeni işlədən Şəmkir rayon sakini Kamil Cəfərova aralarında yaranan mübahisə zamanı Zəngilan rayon sakini Samir Hüseynov tərəfindən bir neçə bıçaq zərbəsi endirilib. 

Nəticədə kafenin sahibi hadisə yerində ölüb. Tələbə olan S.Hüseynov kafedə müvəqqəti günəmuzd işləyirmiş. 

Onun barəsində Cinayət Məcəlləsinin 120.2.4-cü (xüsusi amansızlıqla adam öldürmə) maddəsi üzrə ittiham elan edilib.