Qadın namaz qılarkən öldürüldü - Gürcüstana qaçan əri tutuldu
Bakıda arvadını qətlə yetirib, Gürcüstana qaçan şəxs saxlanılıb.
Bu barədə "Ölkə.az"a Daxili İşlər Nazirliyindən məlumat verilib.
Bildirilib ki, fevralın 8-də saat 23 radələrində Xəzər rayonu Binə qəsəbəsində evlərin birində 1976-cı il təvəllüdlü Lamiyə Məmmədovanın küt alətlə qətlə yetirilməsi barədə polisə məlumat daxil olub.
Cinayət əməlini törətməkdə şübhəli bilinən qadının həyat yoldaşı, 1979-cu il təvəllüdlü Məmmədov Ramil Məhərrəm oğlu Gürcüstan Respublikasında saxlanılıb.
Qafqazinfo yazır ki, L.Məmmədova namaz qılarkən öldürülübmüş.
Onun Azərbaycana ekstradisiyası üçün tədbirlər görülür.
