Elza Seyidcahandan Elnur Hüseynov haqqında

"Elnurun "O səs Türkiyə"də çıxış etməyi düz deyil, onun kimi istedadan ailəmdə də var" 

“Bir çoxları deyir ki, Azərbaycanda Elnur Hüseynovun qədrini bilmədilər. O, da getdi “O səs Türkiyə”yə. Amma bu fikirlərlə razı deyiləm. Elnur özü öz qədrini bilmədi, getdi özünü yeni istedad kimi soxdu həmin yarışmaya”.

Bu sözləriaçıqlamasında əməkdar artist Elza Seyidcahan Elnur Hüseynovun “O səs Türkiyə” yarışmasında çıxışına münasibət bildirərkən deyib. O, “Eurovision-2008” təmsilçimizin həmin müsabiqə qatılmasının düzgün olmadığını bildirib: “ Elnurun “O səs Türkiyə”də çıxış etməsini düzgün qiymətləndirmirəm. Türkiyə onsuz da Elnuru tanıyırdı. Çünki “Eurovision” kimi yarışmada Azərbaycanı təmsil edirdi. Elnur “O səs Türkiyə”yə qatılmamalı idi. Çünki həmin müsabiqədə əyləşən jürilərə dərs deyəcək dərəcədə peşəkardır. Hökumətimiz onu sıfırdan 10-cu pilləyə qədər gətirib, tanıtmışdı. Amma o, “Eurovision”dan sonra özünə qapandı, işləmədi. Düşünmürəm ki, Elnur indi desin ki, “Azərbaycanda mənim qədrimi bilmədilər”. Ümumiyyətlə bu fikri söyləyən insanlara demək istəyirəm ki, gedin Elnurun əlindən tutun, ona heç olmasa 1 klip çəkin. Boş-boşuna danışmaqla iş bitmir. Elnur kimi istedaddan mənim ailəmdə də var. Bacım və oğlum elə istedadlıdır. Sadəcə bir insanda istedaddan savayı digər xarakterlər də, həm də zəhmətkeşlik olmalıdır. Sadəcə o, tənbəldir. Elə 2008-ci ildəki çıxışının ardından yeni mahnılar çıxarardı, işləyərdi. Amma olmadı. Amma heç bir şey olmaz. Allah eləsin ki, “O səs Türkiyə”dən sonra özünə qapanmasın, yatmasın işləsin. İstəməzdim ki, Elnur barədə çox danışım. Sonra deyəcəklər ki, “Elza danışdı”. Bircə onu deyə bilərəm ki, Azərbaycanda Elnur kimi istedaddan çoxdur. Vətənimiz istedadla doludur”.  (lent.az)

Ölkə.Az