Hadise məhkəməyə verildi
Məşhur türkiyəli müğənni Hadise məhkəməyə verilib.
“Aşk kaç beden giyer” mahnısının bəstəkarı Ender Gündüzlü ifaçıya qarşı təzminat iddiası qaldırıb.
Bəstəkarın bu addımına səbəb Hadisenin çəkildiyi reklamlarda mahnıdan icazəsiz istifadəsi olub.
Ender Gündüzlü müğənniyə 200 min lirəlik (70 min manat) təzminat davası açılması üçün məhkəməyə müraciət edib. Lakin ilkin məhkəmə iclasında hakim onun iddiasını rədd edib.
Araşdırma zamanı məlum olub ki, reklamda başqa mahnıdan istifadə edilib, internetə yüklənən video isə kamera arxası çəkilişlərdir və onu kimin yaydığı məlum deyil.
Ender Gündüzlü məhkəmənin bu qərarı ilə razılaşmayıb və haqlı olduğunu sübut edən faktlar təqdim edəcəyini bildirib. Hakim onun etirazını nəzərə alaraq, işə yenidən baxılması üçün məhkəməni təxirə salıb. (anspress)
Ölkə.Az
