"Üçüncü turda çox ağır mahnı seçilib"

“O səs Türkiyə” müsabiqəsinə qatılıb iki turu keçən azərbaycanlı müğənni Aygün İsmayılova çıxışından razı qalmayıb. 

Söhbətində ifaçı təəssüratlarını, üçüncü mərhələyə necə hazırlaşdığını bölüşüb:

“Birinci çıxışım ürəyimcə olmamışdı. Heç ikincini də bəyənmədim. Əgər özümdən razı qalsam, heç vaxt uğur qazanmaram. Mən müğənniyəm, musiqinin incəliklərini bilirəm. Hər notda bir səhv axtarıram. Yaxşıya da “əla alındı” deyə yanaşmıram. “O səs Türkiyə”nin səhnəsi fərqlidir, çıxırsan, insanı həyəcan basır. Elə bil, illərlə səhnəyə çıxmamışam, “Yeni ulduz”da, “Eurovision” seçim turlarında oxuyan mən olmamışam. Dueldə çox həyəcanlı idim, amma bəxtim gətirdi, qalib seçildim. Üçüncü duelə hazırlaşıram. Mənim üçün çox ağır mahnı seçilib. Qarışıq bir mahnıdır. Əvvəlcədən hansı bəstə olması ilə bağlı məlumat verə bilmirik. Gələn həftə üçüncü turun çəkilişidir. Dueldəki tərəf müqabilim hələ bəlli deyil. Ümid edirəm ki, bu dəfə də keçərəm. Mən axırıncı sırada deyiləm, səviyyəcə yaxşı sıradayam. Düzdür, özümü tənqid edirəm. Amma səsim titrəsə də, qorxsam da, özümə güvənirəm”.

Qeyd edək ki, Aygün Mazhar Alanson və Özkanın qrupundadır. 

A.İsmayılova Türkiyə vətəndaşı Haluk Miyakla ailə qurub və İstanbulda yaşayır. Cütlüyün bir qızı var.(Axşam.az)

Ölkə.Az