Leonardo Di Kaprio 2.5 milyon dollara dinozavr sümüyü almaq istəyir
Məşhur Hollivud ulduzu Leonardo Di Kaprio Mayamidə keçirilən müasir incəsənət yarmarkasına baş çəkir.
“Ölkə.Az” xəbər verir ki, artıq Kaprionun da şəxsi kolleksiyası var. Amma ulduz aktyor dayanmaq fikrində deyil.
“Art Basel” yarmarkasında Kaprio eksponatlara tamaşa edib. O, Jan Mişel Baskiyanın bir neçə əsəri ilə maraqlanıb. Onun kolleksiyasında artıq bu rəssamın bir əsəri var. Əsər ötən il 850 min dollara alınıb.
“PageSix” portalının xəbərinə əsasən, Kaprio müasir rəssamların əsərləri ilə yanaşı dinozavr sümükləri ilə də maraqlanıb. O, Allozavr qalıqları üçün 2.5 milyon dollar ödəməyə hazır olduğunu bildirib.
Ölkə.Az
