Beyons Hindistanda toy apardı
İstirahət günləri Beyons Hindistana səfər edib.
“Ölkə.Az” xəbər verir ki, ulduz müğənni Hindistanın ən varlı adamının qızının toyunda iştirak edib. İşa Ambani və ananda Piramala şərq ölkəsinin ən varlı adamlarının övladlarıdır.
27 yaşlı İşa uzun müddət planetin ən arzuedilən gəlini sayılırdı. Çünki onun atası Mukeş Ambani neft maqnatıdır və Hindistanın ən varlı adamıdır. “Forbes” jurnalının məlumatına əsasən, Mukeşin 63 milyard dollarlıq sərvəti var.
Toya Beyonsla yanaşı Hillari Klinton da dəvət edilib. Toy şərəfinə Beyons hind ənənəvi paltarı sayılan sari geyinib və fotoları İnstaqramda paylaşıb.
Bununla belə, ulduz müğənni qonaqların qarşısına səhnə paltarında çıxıb və ən yaxşı hitlərini səsləndirib.
Hikmət Həsənov
Ölkə.Az
