İlin ən bərbad filmlərinin SİYAHISI
“The Hollywood Reporter ” jurnalının ekspertləri 2018-ci ilin ən pis filmlərinin siyahısını açıqlayıblar.
“Ölkə.Az” xəbər verir ki, antireytinq siyahısının lideri “Qotti Kodeksi” filmi olub. Rejissor Kevin Konnolinin lentə aldığı bu filmdə baş rol ifaçısı Con Travoltadır. Kino tənqidçiləri bildiriblər ki, filmin senarisi bəzi məqamlarda gülməli, bəzi məqamlarda isə darıxdırıcıdır.
Siyahıda ikinci yeri Otto Baxterstin “Robin Qud: Başlanğıc” filmi tutub. Ekspertlərin fikrinə görə, film o qədər bərbad alınıb ki, yaradıcı qrup bir daha film çəkməyə tövbə etməlidirlər.
Ceyms Foulinin “Azadlığın 50 çaları” filmi reytinq siyahısında üçüncü yerdədir.
Den Foqelmanın “Həyatın özü” filmi dördüncü, Tom Hardinin baş rol ifaçısı olduğu, rejissor kürsüsündə Ruben Fleyşerin oturduğu “Venom” filmi də beşinci yeri tutub.
Hikmət Həsənov
Ölkə.Az
